[et_pb_section fb_built=”1″ _builder_version=”4.0.11″][et_pb_row _builder_version=”4.0.11″][et_pb_column type=”4_4″ _builder_version=”4.0.11″][et_pb_text _builder_version=”4.0.11″ text_font=”Lora||||||||” hover_enabled=”0″ text_line_height=”2.5em”]
Na bigin fu wan Sranan singi e taki,”Sranankondre, Sranankondre,
Mi Moy kondre mi lobi yu”. A singi na wan winsi, wan boskopu,
wan firi nanga wan denki , srefi wan begi, gi na kondre Sranan.
Mama Sranan, wan lobi mama, gi ala Sranansma.
Dat meki Sranansma musu lespeki na mama disi, bikasi no wan kondre
de so switi leki Mama Sranan.
Ala sey nanga ala fasi a switi disi e sori ensrefi te wi leki Sranansma e hori
Tapu Yari efu Opo Yari, Nyan , dringi, dansi, singi, miti kompe, taki nanga
mati nanga famiri, a winsi sorto sey fu a kondre yu e go. A sani switi fu tru.
En fu di a kondre switi so te, dan wi Sranansma , a kon gersi leki wi na wan pori
sortu libisuma. Leki fa wan lobi mama e pori en pikin.
Den no abi fu du furu, neks no fowtu, den kon lesi en den e prey ayathola heri dey.
Ma dati no tru, bikasi a winsi srefi wi bo libi ini na paradijs san Gado ben meki
gi Adam nanga Eva, Gado ben taki dati wi libi suma san na En meki ook tu, musu
luku na paradijs disi bun. A paradijs wani ondrow, wi no mag fu tjobo en, plus den
switi froktu nanga gruntu, den bun dresi fu te wi e siki, den moi bromki, meti,
kapelka , fowru san e frey nanga den wan san wi kan nyan ook tu, san de fu switi
wi ay nanga unu smeri nanga furu wi angribere ini na paradijs. wi leki libisuma
musu wroko fu en. Un musu piki en bori den nyansani, wi musu piki en dringi den
dresi. Ini wan lobi paradijs wroko de fu du.
[/et_pb_text][/et_pb_column][/et_pb_row][/et_pb_section]